من امس

من امس

من امس

ياصاحبي جاتك مزون البعد تسبقهـا رعـود=وانا من امس اتوقّع الفرقا واخيـل بروقهـا
الله لنا لا نام ليل الوصـل واختـار الركـود=والله لنا لا شحّت شموس الغـلا بشروقهـا

معشوقتك صبرت و صبر العاشقه ماله حدود=بس الجمايل من لهـا لا طالبـت بحقوقهـا
اسهرت لجل رضاك كل اهدابي الحرّه جنـود=واكرمت لجلك ناس حامت كبـدي بمنطوقهـا

سيّلت لعيونك مشاعر بيّحـت كـل السـدود=وانت بأنانية رجـل شرقـي علـي تعوقهـا
ازرع سنابل شوق واحصد من ورا الغله برود=يسقي عروق النفس لين الظيم بلّ عروقهـا

ماهمني يا صاحب الرقم القياسـي فالصـدود=ان كان لك وجهه جديـده للغـرام تسوقهـا
ان كان مليت الحكايـات القديمـه والوعـود=ما عاد ابدفن زلتك واطفي لهيـب حروقهـا

لا صارت اشواك الجروح بعالم الذكرى ورود=بكرا تحس بطعم حنظلها و غصـب تذوقهـا
ببقى وفيّه للغلا .. ماهمني نقـض العهـود=لو تضحك الدنيا على العشاق ملء شدوقهـا

وان جاتنا سطوة مزون البعد تسبقها رعـود=انا , من امس , اتوقع الفرقا واخيل بروقهـا

لــ الشاعره دارين


--------------

الموضوع الأصلي: من امس || الكاتب: البدويه || المصدر: منتديات ابن الصجراء

https://www.ibn3.net/vb

المصدر: منتدى ابن الصحراء - من قسم: شاعرات الحليج والدول العربية

---

lk hls

مشكورة على القصيدة الجميلة

سلمت الايادي وبارك الله فيك

تسلم أناملك على الطرح الرائـع
لاحرمنـا الله روعة تميزك بالطرح
شكرا لمجهودك المميـز ياغلا