بياض القلوب

بياض القلوب

بياض القلوب


إحرص على من يميزها بياض القلوب
على السجيه تواضعها ،،، وماجوبها
،
،
محبوب لازرتها / وابشر بصدرٍ رحوب
وان غبت عنها ،، ترى لازلت محبوبها
،
،
وإتعب ،، على اللي يدلك لافقدت الدروب
لاضقت / يدعس لك الضيقه ومندوبها
،
،
واللي تظنه بيفزع لك وسجل هروب
سجل عليه القطاعه ،، واعلن حروبها
،
،
وان حاشك الظلم لاتجزع ولانت امغلوب
النفس ،،، لابدها ترضى بمكتوبها
،
،
وتأكد الصدق لو يقعد سنين محجوب
تشرق له الشمس مهما / طول غروبها
،
،
ودع الخلايق لخالقها وخلك / طروب
ترى التجاهل علاج النفس وحبوبها
،
،
من راقب الناس وعيونه عليهم تجوب
بيموت ضايق ولاهو قاطع دروبها


-----------------

الموضوع الأصلي: بياض القلوب || الكاتب: النشمي || المصدر: منتديات ابن الصجراء

https://www.ibn3.net/vb

المصدر: منتدى ابن الصحراء - من قسم: همس الخواطر والقوافي

---

fdhq hgrg,f