يابيت يابيت الكرم والمواجيب

يابيت يابيت الكرم والمواجيب

يابيت يابيت الكرم والمواجيب=للحين شامخ بين طـول العمارات
تدري وش اللي مبعد ٍ عنك العيب=واللي رفع قدرك بجنب الطويلات

راعيك باني طوفتك طيب من طيب=والساس من عز ومهابه ومروات
ديوانك مشرع لعكف الاشانيب=مدهلك ياقاطع ديار ٍ بعيدات

اليا لفاه الضيف يبشر بترحيب=جته السمينه مـن يدينن كريمات
عند الجماعه افتخر والاجانيب=اني ربيت في بيت راع الصعيبات

حلال عسرات الامور النواشيب=ماكنهـا عنده نشيبه وعسرات
الله يهونها على العـود ويطيب=ويغفر له الله ويرحمه بكل مافات

يابوي لافترت عظامك من الشيب=اخذ من عظامي اعظام ٍ بديلات
يوم انها حر وشموس ولواهيب=يصير ظلك فوق راسي مظلات

ويوم انها بردن يسل العراقيب=دفاني بشتك واحتضني من الذات
تعطي ولا ترجي وراها مكاسيب=الا من الله رب عرش السماوات

يمناك لامدت تمد مدها غيب=كنك تقول الطيب ياناس بسكات
علمتني ان الكرم والعذاريب=ماتجتمع لو يرجع الحي لامات

وانا ولدك اللي قضبت المقاضيب=في طاعتك ملزوم في كل الاوقات
دامك بوسط البيت تامر وانا اجيب=ماعذربت بيتك طوال العمارات

صوتك وصوت امي كبارالمكاسيب=لا يابعد صوتي وبعد كل الاصوات

الموضوع الأصلي: يابيت يابيت الكرم والمواجيب || الكاتب: النشمي || المصدر: منتديات ابن الصجراء

https://www.ibn3.net/vb

المصدر: منتدى ابن الصحراء - من قسم: الشعر العـــام

---

dhfdj hg;vl ,hgl,h[df

الف شكر على الطرح الراقي والمميز

بارك الله فيك

اسعدني حضورك اختي الكريمو
واثلج صدري تعليقك وطيب دعاءك
اسعد الله قلبك وبلغك ما تتمنى وزيادة
دمت بود ورقي وسعادة .. اشكرك
لك تقديري واحترامي

طرح رائع شكرا لهذا التميز
ودام تواجدك يعطر صفحاتنا بكل خير
سلمت أناملك على الانتقاء الرائع
أكاليل الزهر أنثرها في متصفحك