|
أدوات الموضوع | إبحث في الموضوع | انواع عرض الموضوع |
06-19-2021, 03:56 PM | #1 |
يالله ياقابل ســـوال المصـــلين
يالله ياقابل ســـوال المصـــلين
حمزة مشينا من ديــار المحبين= الله يرجعنا عليـهـم سلومي مشوا بنا العسكر لدار السلاطين=في مركب جزواه ترك ورومي عشرين ليل يمة الغرب مقفين=ماحن نشوف إلا السما والنجومي والنوم يامشكاي مالاج في العين=والقلب ياحمزة تزايد همومي من الخداعة واحتيال الملاعين=هيهات لو اني عرفت العلومي هيا اركبو من عندنا فوق ثنتين=وخلوا نجايبكم مع الدو تومي لازوعن بالوصف مثل القطاتين=تبغى الشراب ولايعنها السمومي اليا اصبحن كنهن جريد البساتين=نحال من كثر الحفا وارثومي تلفي على ربع عساهم عزيزين=اهل الشجاعه والكرم والعزومي ربعي ضنا مرزوق بالعسر واللين=لطامةٍ للي عليــهم يزومـــي عجمـــان لا رد البرا للمــعادين=حريبهم من هــمهم ماينومــي يوم الخيانة ليت هم لي قريبين=من فوق زلبات تبوج الحزومي وليا تعلوا فوق مثل الشياهين=مركاظهم يشبع وحوش تحومي نوب سلاطيـن ونــوب شيــاطين=وكم شيخ قومٍ توهم مايقومي يالله ياقابل ســـوال المصـــلين=يا اللي له التقدير في كل يومي انك تثبتــنا على اــلحق والدين=وانك تروف بحالنا يارحومي وعسى مقابيل الليالي لنا زين=من عقـــب مانوسن العلـومي وصلوا على اللي وضح الزين والشين=وشيد منار الدين واعلى الرسومي الشاعر والفارس راكان بن حثلين يرحمه الله في سجن الاتراك
المصدر: منتدى ابن الصحراء - من قسم: ديوان الشاعر والفارس راكان بن حثلين dhggi dhrhfg sJJJ,hg hglwJJJgdk التعديل الأخير تم بواسطة ابن الصحراء ; 03-12-2022 الساعة 10:55 PM سبب آخر: تنسيق الموضوع |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|