وش الليل من دون السهر

وش الليل من دون السهر

وش الليل من دون السهر

وش الليل من دون السهر والنسيم الهاب
وطواري تجي وتروح والنفس منشرحه
ياطيب الكلام اللي يوصل مدا الاسهاب
وانا الملهم اللي يعجب المستمع طرحه
مداهيل صدري خيمتك والضلوع اطناب
ولوّ ان وضعي شي يصعب علي شرحه
انا ماحسب اني يوم اعدك من الغيّاب
تهقويتك اطيب شخص من روحك المرحه
عليك العتب يالغايب اللي بدون اسباب
بعدك آتصنع وسعة الصدر والفرحه

عليك العتب يالغايب اللي بدون اسباب
بعدك آتصنع وسعة الصدر والفرحه
ترا مايطيب الجرح لو ان وقتي طاب
ضريبة غيابك خلت الكبد منجرحه
مفارقك عجزوا لايداوونه الاطباب
على كثر مامريتهم جاتني قُرحه
وانا ماني بناقص فراق ووداع احباب
ترفّق عليّ .. والود لاينهدم صرحه
يكفّي مع الايام غدر ونفاق اصحاب
وانا اللي يسوق العذر دايم ويقترحه

-------------------------------

الموضوع الأصلي: وش الليل من دون السهر || الكاتب: البدويه || المصدر: منتديات ابن الصجراء

https://www.ibn3.net/vb

المصدر: منتدى ابن الصحراء - من قسم: همس الخواطر والقوافي

---

,a hggdg lk ],k hgsiv