منتدى ابن الصحراء - وش الليل من دون السهر

وش الليل من دون السهر

https://img0.liveinternet.ru/images/...66_1__237_.png

وش الليل من دون السهر والنسيم الهاب
وطواري تجي وتروح والنفس منشرحه
ياطيب الكلام اللي يوصل مدا الاسهاب
وانا الملهم اللي يعجب المستمع طرحه
مداهيل صدري خيمتك والضلوع اطناب
ولوّ ان وضعي شي يصعب علي شرحه
انا ماحسب اني يوم اعدك من الغيّاب
تهقويتك اطيب شخص من روحك المرحه
عليك العتب يالغايب اللي بدون اسباب
بعدك آتصنع وسعة الصدر والفرحه

عليك العتب يالغايب اللي بدون اسباب
بعدك آتصنع وسعة الصدر والفرحه
ترا مايطيب الجرح لو ان وقتي طاب
ضريبة غيابك خلت الكبد منجرحه
مفارقك عجزوا لايداوونه الاطباب
على كثر مامريتهم جاتني قُرحه
وانا ماني بناقص فراق ووداع احباب
ترفّق عليّ .. والود لاينهدم صرحه
يكفّي مع الايام غدر ونفاق اصحاب
وانا اللي يسوق العذر دايم ويقترحه

https://img0.liveinternet.ru/images/...66_1__237_.png

-------------------------------