منتدى ابن الصحراء - الشاعرة الراسية

الشاعرة الراسية

كـن بين ضـلوعي العــوج نهـر له هـدير=وكـن بين المـاء وحـايل سـراب بارتويه
جـيت أبروي قصـة العشق في ذاك الغدير=يوم عـذبات الصـبايا على ذكـره تجـيه
يـم حـايل سـاقني الشـوق وأخـترت المسير=لين ساقـتني ظـروفي عـلى الـدرب النزيه*
جيت يا هون المسافة على الشيخ الضرير=جــيت يســبقني خفــوق يبيه ويهـتويه
للشعر.. للطيب.. للعود.. لعيون الأمير=للكرم .. ولحايل الجود.. للشيخ النبيه
للجبال الشـم .. لليل .. للبدر المنير=للأهـالي اللي تنادي على الطـيب وتبيه
إيـه حـايل .. أعشـقك ولا لك من خشـير=أعشقك وأطوي المسـافة لقـربك وأشـتريه
إلعـبي بـين الحــنايا مـثل طفـل غـرير=إلعـبي يا دار حـاتم ترى مـالك شــبيه
والله إن لك في خفـوقي غـلا يهـدر هـدير=وإن غــدا بيني وبينك ســراب بأرتويه